Cantores: Christus vincit, Christus regnat, Christus imperat.
Omnes: Christus vincit, Christus regnat, Christus imperat.
I
Cantores: Exaudi, Christe. Omnes: Exaudi, Christe.
Cantores: Ecclesiae sanctae Dei, supra regnorum fines nectenti animas:
salus perpetua!
Cantores: Redemptor mundi. Omnes: Tu illam adiuva.
Cantores: Sancta Maria. Omnes: Tu illam adiuva.
C: Sancte Joseph. O: Tu illam adiuva.
II
Cantores: Exaudi, Christe. Omnes: Exaudi, Christe.
Cantores: N., Summo Pontifici, in unum populos doctrina congreganti,
caritate: Pastori gratia, gregi obsequentia.
Cantores: Salvator mundi. Omnes: Tu illum adiuva.
C: Sancte Petre. O: Tu illum adiuva.
C: Sancte Paule. O: Tu illum adiuva.
III
Cantores: Exaudi, Christe. Omnes: Exaudi, Christe.
Cantores: N. episcopo et omni clero sibi commisso pax et virtus, plurima
merces.
Cantores: Sancta Caecilia. Omnes: Tu illum adiuva.
C: Sancte Gregori. O: Tu illum adiuva.
Omnes: Christus vincit, Christus regnat, Christus imperat.
Cantores: Rex regum. Omnes: Rex noster.
Cantores: Spes nostra. Omnes: Gloria nostra.
IV
Cantores: Exaudi, Christe. Omnes: Exaudi, Christe.
Cantores: Magistratibus et omnibus concivibus nobiscum orantibus: cordis
vera quies, votorum effectus.
Cantores: Auxilium christianorum. Omnes: Tu illos adiuva.
C: Sancte Michael. O: Tu illos adiuva.
C: Sancte Benedicte. O: Tu illos adiuva.
Omnes: Christus vincit, Christus regnat, Christus imperat.
Cantores: Ipsi soli imperium, laus et iubilatio, per infinita saecula
saeculorum.
Omnes: Amen.
Cantores: Tempora bona habeant! Omnes: Tempora bona habeant
redempti sanguine Christi!
Cantores: Feliciter!
Omnes: Feliciter!
Omnes: Feliciter!
Cantores: Pax Christi veniat! Omnes: Regnum Christi veniat!
Omnes: Deo gratias. Amen.
← Index